Ўзбекистон Миллий статистика қўмитаси маълумотларига кўра, жорий йилнинг январь–март ойларида республика бўйича ўртача ойлик номинал ҳисобланган иш ҳақи 6,82 млн сўмни ташкил этди. Бу ўтган йилнинг шу даврига нисбатан 17,4 фоизга кўп.
Энг юқори кўрсаткичлар анъанавий равишда Тошкент шаҳрида кузатилмоқда — 11,7 млн сўм, бу бошқа ҳудудларга нисбатан қарийб икки баробар кўп. Шу билан бирга, пойтахтда иш ҳақи ўтган йилга нисбатан 18,8 фоизга ошган.
Тошкентдан кейинги ўринларда Навоий вилояти — 8,4 млн сўм ва Тошкент вилояти — 6,1 млн сўм билан қайд этилган. Қолган ҳудудларда эса ўртача иш ҳақи 4,6 млн сўмдан 5,5 млн сўмгача оралиғида шаклланган.
Иқтисодий фаолият турлари бўйича энг юқори ўртача иш ҳақи банк, суғурта, лизинг ва кредит-воситачилик соҳаларида — 18,5 млн сўмни, шунингдек ахборот ва алоқа соҳасида — 16,5 млн сўмни ташкил этмоқда.
Энг паст кўрсаткичлар эса таълим, соғлиқни сақлаш ва ижтимоий хизматлар соҳаларида сақланиб қолмоқда — мос равишда 4,6 млн сўм ва 4,1 млн сўм. Бу эса республика ўртача кўрсаткичидан паст ҳисобланади.
Изоҳ