Кодексга киритилган ўзгартишларга кўра, кучли таъсир қилувчи моддаларни ўз ичига олган дориларни рецепт асосида чакана сотиш тартибини бузиш энди 100 дан 200 БҲМгача миқдорда (41 млн 200 минг сўмдан 82 млн 400 минг сўмгача) жарима солинишига сабаб бўлади.
Аввал ушбу ҳуқуқбузарлик учун 50 дан 100 БҲМгача жарима белгиланган эди.
Жиноят кодексига киритилган ўзгартишларга кўра, кучли таъсир қилувчи моддаларни ўз ичига олган дориларни рецепт асосида чакана сотиш тартибини маъмурий жазо қўлланилгандан кейин такроран ёки йирик миқдорда бузиш 200 дан 300 БҲМгача (123 млн 600 минг сўмгача) жарима, ёки 3 йилгача ахлоқ тузатиш ишлари, ёки 2 йилдан 5 йилгача озодликни чеклаш, ёки 5 йилгача озодликдан маҳрум қилиш билан жазоланади.
Бунгача эса жариманинг энг кам миқдори 100 БҲМни ташкил этар эди.
Эслатиб ўтамиз, «Электрон рецепт» DMED ахборот тизими ўтган йил декабрь ойида Тошкент шаҳрида ҳамда мамлакатнинг 15 та шаҳар ва туманида жорий этилган. Ушбу тизим фармацевтика бозорида шаффофликни ошириш, дорихоналар учун тенг шарт-шароит яратиш ва контрабанда ҳамда ноқонуний фарммаҳсулотлар айланмасини аниқлаш мақсадида ишлаб чиқилган.
Тизимни жорий этишнинг биринчи босқичида рецепт асосида фақат антибиотиклар ва гормонал препаратлар берилади.
Изоҳ