Президент фармони билан 2025/2026 ўқув йили ва ундан кейинги уч ўқув йили учун давлат олий таълим муассасаларига ўқишга қабул қилишнинг давлат буюртмаси параметрлари тасдиқланди. Хусусан:
Бакалавриат таълим йўналишлари бўйича кундузги таълим шаклида:
- 2025/2026 ўқув йили - 35 500 ўрин;
- 2026/2027 ўқув йили - 36 023 та ўрин;
- 2027/2028 ўқув йили - 36 460 ўрин;
- 2028/2029 ўқув йили - 36 761 та.
Магистратура дастурлари бўйича кундузги таълим шакли учун:
- 2025/2026 ўқув йили - 9 922 та ўрин;
- 2026/2027 ўқув йили - 10 191 та ўрин;
- 2027/2028 ўқув йили - 10 477 та ўрин;
- 2028/2029 ўқув йили - 10 784 та ўрин.
Олий таълим, фан ва инновациялар вазирлиги Давлат комиссиясига қуйидаги масалалар бўйича таклифлар киритади:
- республика ҳудудида фаолият юритаётган хорижий олий таълим муассасалари ва уларнинг филиаллари ҳамда нодавлат олий таълим муассасаларига ажратилган 1 320 та давлат грантларини тақсимлаш;
- Ўзбекистоннинг давлат олий таълим муассасаларида ўқиш истагини билдирган хорижда истиқомат қилаётган ватандошлар учун таълим йўналишлари бўйича 30 та давлат грантини тақсимлаш;
- Оила ва хотин-қизлар қўмитаси билан биргаликда - хотин-қизлар учун мўлжалланган 4 мингта давлат грантини тақсимлаш.
Изоҳ