2025 йилнинг 4 июль жиноят ишлари бўйича Сардоба туман суди ўз келинига шилқимлик қилган 62 яшар қайнотага жазо тайинланди. UzNews.uz мухбири суд қарори билан танишди.
Маълум бўлишича, 62 ёшли эркак хотини келини билан доимий жанжаллашганлиги сабабли 9 ойдан бери келини билан бирга яшашган. Ўғли эса Россияга ишлагани кетган бўлган.
Ҳуқуқбузарнинг айтишича, келини ўғлини (эри) соғинганлигини айтиб, қайнотасини ўпган. Келини унга битта ўпиш эвазига тилла олиб беришлигини сўраган.
Қайнота эса бунга рози бўлган ва бу ҳолат бир неча марта содир бўлган. Шундан сўнг, қайнота келини билан Жиззах вилоятига бирга бориб, тилла олиб берган, қолган тилларни пулини берган.
Судланувчи эркакнинг сўзларига кўра, келини яна яшаб турган уйини унинг номига ўтказишни сўраган. Эркак келинига уй шундоқ ҳам у ва ўғлига эканлигини билдирган.
Жабрланувчи келиннинг айтишича, у эрига қайнотаси билан бирга турмаслигини айтган. Аммо, эри дадасига қараши кераклигини билдирган. Ўша куни у қайнотаси залда ва ошхонада ўпиб қучоқлаганда қаршилик кўрсатганлигини, сўнгра ётоқхонасида видеога олганлигини, видеога олинганлиги сабабли қаршилик кўрсатмаганлигини билдириб, қонуний чора кўришни сўраган.
Судда эркак келини билан муносабатлари яхшилигини, неваралари у билан бўлишлигини, видеодаги у эканлигини, келини қаршилик қилмаганлигини, жинсий алоқага ҳаракат бўлмаганлигини бошқа бундай ҳолат такрорланмаслигини билдириб, енгиллик беришни сўраган.
Суд қарори билан эркак МЖтКнинг 41-1-моддаси биринчи қисмида назарда тутилган ҳуқуқбузарликни содир этган деб топилиб, унга 5 сутка маъмурий қамоқ жазоси тайинланган.
Изоҳ