Эрон президенти Масуд Пезешкиан Исроил ҳужумидан кейин ўз халқига мурожаат билан чиқиб, Эрон ҳудудига қилинган ҳужумга кескин жавоб беришга ваъда берди ва душман ракета ҳужумларидан чуқур пушаймон бўлишини айтди.
Унинг таъкидлашича, расмийлар мудофаа, сиёсий ва ҳуқуқий жиҳатларни ўз ичига олган бир қатор қарши чораларни аллақачон амалга оширмоқда.
“Эрон халқи ва ҳукумати бу жиноят олдида жим турмайди ва Ислом Республикасининг қонуний, кучли жавоби душманни ўзининг аҳмоқона ҳаракатларидан пушаймон қилади”, - деди президент халққа мурожаатида.
Пезешкиан, шунингдек, барча халқаро мажбуриятларни тўлиқ бузиш бўлган бу ваҳший ҳаракат, мавжудлиги ишғол, босқинчилик ва болаларни ўлдиришга асосланган сионистик режимнинг жиноий моҳиятини очиб беради, деб қўшимча қилди. У Эроннинг ғурурли халқини бирдамлик ва ҳамжиҳатликни сақлашга чақирди.
Президент Эрон халқини Ислом Республикаси ҳукумати халққа тўла фидойилик билан хизмат қилишда давом этишига ва кундалик ҳаёт одатдагидек давом этишига ишонтирди.
Исроилнинг Эронга ҳужуми натижасида олти нафар ядро соҳаси бўйича олим ҳалок бўлган. Тhe Guardian газетасининг хабар беришича, Исроил зарбалари оқибатида бутун мамлакат бўйлаб 50 киши, жумладан аёллар ва болалар жароҳат олган.
13 июнга ўтар кечаси Исроил мудофаа кучлари (IDF) кенг кўламли операцияни бошлади, бунда ҳаво кучлари Эрон ядровий дастурининг ҳарбий объектларига зарбалар бермди. Исроил расмийларининг айтишича, операция яҳудий давлатига экзистенсиал таҳдиднинг олдини олишга қаратилган, чунки Исроил ҳарбийлари ва разведкаси маълумотларига кўра, Эрон қисқа вақт ичида ядровий қурол яратишда "қайтиб бўлмайдиган нуқта"га яқинлашган.
Изоҳ