Жорий йилнинг 5 апрель куни Россия саноат ва савдо вазири Денис Мантуров, Нижегород губернатори Глеб Никитин ва Ўзбекистон инвестициялар ва ташқи савдо вазири Сардор Умурзоқов “Группа ГАЗ” тиббиёт автомобилларини топшириш маросимида қатнашишди.
Ўзбекистон 20 дона замонавий “тез ёрдам” машиналарини қабул қилди. Ушбу маросим “ИННОПРОМ. Ўзбекистонда катта саноат ҳафталиги” халқаро саноат кўргазмаси доирасида ўтказилди.
ГАЗ Ўзбекистонга махсус тайёрланган йўлтанламас 16 та “Соболь” “тез ёрдам” машинаси ва 4 та “ГАЗель NEXT” мобил комплексини топширди.
Аввалроқ, Садир Жапаровнинг Ўзбекистонга давлат ташрифи вақтида Қирғизистонга маҳаллий ишлаб чиқарилган тез тиббий ёрдам машиналари совға қилинганди.
