КХДР етакчиси Ким Чен Ин стратегик қанотли ракеталарни синовдан ўтказиш чоғида мамлакат ядровий кучларининг жанговар тайёргарлигини такомиллаштириш зарурлигини айтди. Бу ҳақда Корея марказий телеграф агентлиги хабар берди.
Давлат раҳбарининг сўзларига кўра, мудофаа мақсадларида ядро қуролидан фойдаланишга тайёр бўлиш керак. Шунингдек, у ядровий қуролли кучларнинг жанговар тайёргарлигини янада изчил такомиллаштириш зарурлигини таъкидлади.
Ким Чен Иннинг қўшимча қилишича, бу давлат суверенитети ва хавфсизлигини ишончли ядровий қалқон билан ҳимоя қилишни кафолатлайди.
"Машғулотларнинг мақсади КХДР Қуролли кучларининг ҳар қандай маконда қарши зарба бериш қобилиятини намойиш этиш эди. Бу мамлакатда бу йилги тўртинчи ракета синови. Аввалги учиришлар 25 январь куни сув остидан учириладиган ракетани синовдан ўтказишда амалга оширилган эди," - дейилади хабарда.
