Бош прокуратура матбуот котиби Ҳаёт Шамсутдиновнинг UzNews.uz'га хабар қилишича, ҳодиса кеча, 25 ноябрь куни соат 10:00 ларда Булоқбоши тумани “Қақир” МФЙ ҳудудида жойлашган “Муҳаммад Тош кони” МЧЖга тегишли конда содир бўлган.
“Қақир” МФЙ Бинафша кўчасида яшовчи 46 ёшли С.А.ни кондаги тош чиқариш ишлари вақтида эҳтиётсизлик оқибатида тош босиб қолган. Ҳодиса оқибатида, С.А. воқеа жойида вафот этган.
Қайд этилишича, марҳум оилали, икки нафар фарзанднинг отаси бўлган. Ҳозирда ҳолат юзасидан туман ИИБ томонидан дастлабки тергов ҳаракатлари олиб борилмоқда.
