Хожиманов Жамолиддин Чилонзор тумани ҳокими вазифасини вақтинча бажарувчи этиб тайинланди. Бу тўғрисида Тошкент шаҳар ҳокимининг тегишли қарори қабул қилинди.
Жамолиддин Хожиманов мазкур тайинловга қадар Тошкент шаҳар Чилонзор тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келган.
Эслатиб ўтамиз, Чилонзор кўчасида йўл кенгайтириш ишлари чоғида 100 га яқин кўп йиллик дарахтда шикастланиш хавфи аниқлангани ва бу аҳолининг норозилигига сабаб бўлгани ортидан туманнинг аввалги ҳокими Ш.Мавлонов лавозимидан озод этилганди.
