Олдинроқ, Наманганда 22 ёшли эркак шифохонага акаси билан келиб, тана ҳароратини ўлчатгани ҳамда улар қўйилган ташхисдан норози бўлиб, шифокорни дўппослашгани ҳақида хабар бергандик.
Наманган вилояти суди матбуот котибининг UzNews.uz’га маълум қилишича, ҳолат ЖИБ Наманган шаҳар суди томонидан кўриб чиқилган.
Судланувчи укага нисбатан ЖКнинг 277-моддаси 2-қисми “б” банди билан 2 йил озодликдан маҳрум қилиш ҳамда акасига нисбатан шу модда билан 360 соат мажбурий жамоат ишлари жазоси тайинланди.
Суд ҳукмига кўра, ЖКнинг 62-моддаси тартибида, судланувчи аканинг қамоқда сақланган бир кунини мажбурий жамоат ишлари жазосининг 4 соатига тенглаштириб ҳисоблаб, тайинланган жазодан 216 соат чегириб ўташ учун 144 соат мажбурий жамоат ишлари жазоси қолдирилди.
