Бугун, 22 февраль куни блогер Абдуқодир Мўминов терговда сўроқ қилинаётган вақтда вафот этгани ҳақидаги хабар ижтимоий тармоқларга сиздирилди. Ушбу ҳолат юзасидан ИИВ матбуот котиби Шохрух Ғиёсов UzNews.uz'га изоҳ берди.
«Бу ёлғон хабар. Блогер Абдуқодир Мўминовнинг соғлиғи жойида», — деди ИИВ матбуот хизмати раҳбари Шохрух Ғиёсов.
Эслатиб ўтамиз, жорий йилнинг 8 февраль куни блогер Абдуқодир Мўминов фирибгарлик ва товламачиликда гумонланиб қўлга олингани ҳақида хабар берган эдик.
