Наманганда 5 кишининг ўлими билан боғлиқ ЙТҲ содир бўлди. Бу ҳақда вилоят ИИБ UzNews.uz'га хабар берди.
Қайд этилишича, ҳодиса кеча, 20 сентябрь куни соат 07:30 ларда Чуст туманида содир бўлган.
“Наманган-Тошкент” йўналишида ҳаракатланган DAF русумли юк автомобили ҳайдовчиси бошқарувни йўқотиб, қарама- қарши йўналишга ўтганлиги оқибатида Damas ва Labo русумли автомобиллари билан тўқнашган. ЙТҲ оқибатида Damas ичида бўлган 5 нафар фуқаро вафот этган.
Ҳолат юзасидан дастлабки тергов олди суриштирув ишлари олиб борилмоқда.
