Олий ва ўрта махсус таълим вазири Абдуқодир Тошқулов талабаларни турар жойлар билан таъминлаш борасида олиб борилаётган ишлар тўғрисида ҳисобот беряпти.
Вазир нега ОТМлар ётоқхоналар қурмаслиги ҳақида берилган саволга олий таълим тизими кўпчилик ўйлаганидек бой эмаслигини таъкидлади. Унга кўра, ОТМлар зарарга ишламоқда. 132 та ОТМлардан атиги 34 таси (давлат ОТМ) ўзини ўзи молиялаштира олади. Бошқалар бюджетдан олинадиган пул ҳисобига яшамоқда. Пандемия даврида контракт нархи оширилмагани туфайли тизим 1 трлн сўм зарар кўрган.
Қайд этилишича, 400 ўринли ётоқхонани қуриш 22,5 млрд сўмга тушади. Қолаверса, вазир ректорлар бюджетида пул бўлса ҳам қурилиш қилишдан қўрқишини айтди. Бунинг сабаби сифатида ОТМда қурилишга масъул бўлим йўқлиги, жавобгарликдан қўрқишини келтирди.
“Бошқа ижтимоий вазирликларга, номини айтмай, берилаётган пулларга ҳавасим келади. Олий таълимгаям энди шу берилиши керак”, - деди А. Тошқулов.
