Маълум қилинишича, 28 июль куни Сайхунабод туман суди қизни Маъмурий жавобгарлик тўғрисидаги кодекснинг 183-моддаси (майда безорилик) бўйича айбдор деб топиб, унга 3 БҲМ (1,2 млн сўм) миқдорида жарима тайинлаган эди.
Nemolchi.uz маълумотига кўра, воқеа 17 июль куни Сайхунабод туманидаги хиёбонлардан бирида содир бўлган. Маҳаллий спорт мактабининг собиқ мураббийи ўзининг собиқ шогирдига у билан жинсий алоқа қилишни таклиф қилган ва шундан сўнг унга нисбатан жинсий хусусиятга эга ҳаракатларни амалга оширишга уринган. Қиз қаршилик кўрсатиб, у билан жанжаллашган ҳамда ёрдам сўраб баланд овозда бақирган.
Кейинчалик эркак жинсий шилқимлик қилгани учун 5 суткага қамалган. Бироқ ҳуқуқни муҳофаза қилувчи органлар қиз ҳам жамоат тартибини бузган, деган важ билан унга нисбатан маъмурий иш қўзғатган.
Апелляция шикояти кўриб чиқилгач, вилоят суди биринчи инстанция қарorini бекор қилди ва қиз ҳаракатларида маъмурий ҳуқуқбузарлик таркиби мавжуд эмаслигини таъкидлаб, иш юритишни тугатди.
Шунингдек, апелляция суди маъмурий суриштирув ўтказган профилактика инспектори ҳамда ишни кўриб чиққан Сайхунабод туман судининг тергов судьясига нисбатан хусусий ажрим чиқарди.
Изоҳ