Соғлиқни сақлаш вазирлиги ўзбекистонликларга Янги йил байрамини оила даврасида нишонлашни тафсия қилди.
Республика махсус комиссиясининг йиғилишида мамлакатимизда эпидемиологик вазият барқарорлигини сақлаб қолиш ва юртимиз ҳудудига коронавирус инфекциясининг янги “омикрон” штамми кириб келишига йўл қўймаслик мақсадида бир қатор янги тартиблар белгиланди.
Унга кўра, аҳоли саломатлигини таъминлаш ҳамда мамлакатимизда эпидемиологик вазият барқарорлигини сақлаш мақсадида фуқароларга янги 2022 йил байрами тадбирларини имкон қадар оила даврасида ўтказиш тавсия этилди.
Эслатиб ўтамиз, аввалроқ, Ўзбекистон бир қатор давлатлар билан халқаро авиақатновларни тўхтатгани ҳамда айрим хорижий давлатлардан келганлар мажбурий карантинга олиниши ҳақида хабар бергандик.