17 ноябрь куни Президент томонидан имзоланган қарорга мувофиқ, Тошкент гидрометеорология коллежи негизида Тошкент гидрометеорология техникуми ташкил этилади. Техникум гидрометеорология соҳасида ўрта бўғин мутахассисларини тайёрлаш ва малакасини ошириш бўйича базавий ўқув муассасасига айланади.
Шунингдек, техникумда кадрлар тайёрлаш давлат буюртмаси ва тўлов-шартнома асосида амалга оширилади.
Қолаверса, 2021/2022 ўқув йилидан бошлаб Мирзо Улуғбек номидаги Ўзбекистон Миллий университетида Гидрометеорология факультети ташкил этилади.
Шавкат Мирзиёев яқинда гидрометеорология хизмати фаолиятини такомиллаштириш бўйича устувор вазифалар муҳокамаси юзасидан йиғилиш ўтказганди.
Унда Гидрометеорология хизмати марказининг моддий-техник базаси эскиргани, иқтисодий рентабеллиги пастлиги эътироф этилганди.