«Коронавирус пандемияси даврида ижтимоий ҳимояга ва ёрдамга муҳтож аҳоли қатламларини моддий қўллаб-қувватлашга доир қўшимча чора-тадбирлар тўғрисида»ги президент фармони қабул қилинди.
Фармонга мувофиқ, ёрдам керак бўлган 1.7 млн нафар ўзбекистонлик бир марталик пул тўловини олади.
Бир марталик ёрдам 400 мингдан ортиқ оилаларнинг ҳар бир аъзосига берилади. Умумий миқдорда 380 млрд сўм тарқатилади.
Шу тариқа, оиланинг ҳар бир аъзоси 223 минг сўмдан олади.
Аввалроқ, Инқирозга қарши курашиш жамғармаси маблағларидан 150 млрд сўм ажратилиши маълум қилинган эди.