Аввалроқ Тошкент шаҳар ИИББ Telegram мессенджерида мактаб ўқувчиларининг оналари бир бирларига Тошкентда бир эркак вояга етмаган қизларга қизиқиш билдираётганлиги ҳақида хабар тарқатаётганини маълум қилган эди.
Мактаб ўқувчиларининг ота-оналари, ўқувчилар ва маҳаллий аҳоли берган маълумотларга кўра, гумондорнинг тахминий кўриниши белгиланган, дейилади ИИББнинг хабарида.
Ҳудудни кўздан кечириш жараёнида ППХ ходимлари томонидан тахминларга асосланган ҳолда 27 ёшли О.Д. қўлга олинган. Мактаб ўқувчиларининг бири қўлга олинган шахсни таниган.
Мазкур ҳолат юзасидан Ўзбекистон Республикаси Жиноят кодексининг 129-моддаси 1-қисми билан жиноят иши қўзғатилган.