Аввалроқ, Қашқадарё вилояти ИИБ ходимлари томонидан Қарши шаҳрида яшовчи фуқаро Х.Ш. хонадонида фуқаро Х.Ж. томонидан эшаклар сўйилаётгани факти аниқлангани ҳақида хабар бергандик.
Вилоят ИИБ Матбуот хизматининг хабар беришича, мазкур иш бўйича Қарши шаҳар суди томонидан сайёр суд ўтказилди. Айбдор Х.Ж. судда гўштни пул эвазига итлар учун етказиб берганини, қилмишидан пушаймон эканини айтиб, енгиллик сўради.
Ушбу ҳолат юзасидан Х.Ж.га ЖК 186-моддаси 1-қисми билан иш ҳақини 20 фоизини давлат ҳисобига ушлаб қолган ҳолда 2 йил муддатга аҳлоқ тузатиш жазоси тайинланди.
