Саудия арабистони мезбонлик қилаётган U-17 Осиё кубоги мусобақасининг "А" гуруҳидан ўрин олган Ўзбекистон гуруҳдаги иккинчи турда Хитой U-17 терма жамоасига қарши баҳс олиб борди ва 2:1 ҳисобида ғалаба қозонди.
Қўлга киритилган ушбу ғалабадан сўнг Ислом Исмоилов бошчилигидаги Ўзбекистон терма жамоаси муддатидан аввал шу йилнинг кузида Қатарда бўлиб ўтадиган жаҳон чемпионати йўлланмаси билан бирга 2026 йилги U-17 Осиё кубоги мусобақасига ҳам йўлланмани қўлга киритди.
