Аввалроқ, ижтимоий тармоқларда бир гуруҳ шахслар бир нафар йигитни калтаклагани акс этган видео тарқалиб, кенг муҳокамаларга сабаб бўлган эди. Ҳолат юзасидан Қашқадарё ИИББ расмий муносабат билдирди.
Жорий йилнинг 14 февраль куни соат 19:30 атрофида Чироқчи туманида жойлашган "Шаржаҳ" спорт комплексда шуғулланувчи фуқаролар ўртасида ўзаро келишмовчилик юзага келган. Оқибатда шу туманда яшовчи муқаддам судланган фуқаро Қ.О. тўққиз нафар шериклари билан ака-ука Ж.И. ва Ж.А.ни уриб тан жароҳати етказган.
Мазкур ҳолат юзасидан Чироқчи тумани ИИБ ҳузуридаги ТБ томонидан ЖКнинг 277-моддаси 2-қисмининг "а,б" бандлари билан жиноят иши қўзғатилган. Ҳозирда иштирокчиларнинг ўн нафарига нисбатан процессуал тартибда қамоқ эҳтиёт чораси қўлланилган.
