Ўзгидромет хабарига кўра, бугун кундузи ва иш ҳафтасининг охиригача Ўзбекистонинг барча ҳудудлари бўйича ёғингарчиликсиз об-ҳаво сақланиб туради.
Республиканинг айрим жойларига кечаси ва эрталаб туман тушиши мумкин. Шамол шарқдан 7-12 м/с тезликда эсади.
Ҳаво ҳароратининг аста-секин кўтарилиши давом этади. Ҳафтанинг биринчи ярмида кечалари бироз совуқ бўлиши сақланиб туради, кундуз кунлари эса ҳаво ҳарорати +8...+11 даражагача атрофида бўлади. Чоршанба ва пайшанби кунлари кечалари -3...0 даражагача, кундуз кунлари +12...+15 даражагача бўлиши кутилмоқда. Шимолда ҳарорат асосан кечалари -5...0 даражагача, кундуз кунлари +4...+9 даражагача бўлади.
Тошкентда 3-7-февраль кунлари ёғингарчилик кутилмайди. Шамол шарқдан 3-8 м/с тезликда эсади. Ҳарорат 3-4-февралда кечалари -2...0 даражагача, кундуз кунлари +8...+10 даражагача бўлади. Ҳарорат 5-7 февралда кечалари +1...+3 даражагача, кундуз кунлари +12...+15 даражагача аста-секин кўтарилади.
