Тошкентда фуқаро вояга етмаган қизга автомашинани бошқариш учун топширгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ИИББ маълумот берди.
Аниқланишича, ушбу ҳолат Тошкент шаҳар ИИББ ЙҲХБ ходимлари томонидан ўрганилган.
Унга кўра, вояга етмаган қизига автомашинани бошқариш учун топширган она (1981 йилда туғилган K.И.)га нисбатан МЖтКнинг 135-моддаси 2-қисмига (транспорт воситасини бошқариш ҳуқуқи бўлмаган шахсларнинг шу воситаларни бошқариши, худди шунингдек бошқариш ҳуқуқи бўлмаган шахсга транспорт воситасини бошқариш учун топширилиши) мувофиқ маъмурий баённома расмийлаштирилди ҳамда автомашина вақтинча сақлаш учун жарима майдонига жойлаштирилди.
