Жорий йилнинг 11 июнь куни Тошкент шаҳар ИИББ Навбатчилик қисмига хабар келиб тушган. Маълум қилинишича, пойтахтнинг Учтепа тумани "Кўкча дарвоза" кўчасида йўл-транспорт ҳодисаси юз берган. Бу ҳақда «Миллар» дастури хабар қилди.
Юк машинаси ҳайдовчиси хусусий боғча қаршисидан ҳаракатланиб кетаётган вақтида 2021 йилда туғилган пиёдани уриб юборган. Натижада 3 ёшли бола олган тан жароҳатлари сабаб вафот этган.
Гувоҳнинг сўзларига кўра, марҳум болакай акасини кўриб, тарбиячисининг қўлидан чиқиб кетган.
"Юк машинаси ҳайдовчиси ҳам кўрмаган, чунки у ҳам шок ҳолатида эди",- дейди гувоҳ.
Ҳозирда мазкур ҳолат юзасидан Тошкент шаҳар ИИББ Тергов бошқармаси томонидан терговга қадар суриштирув ишлари олиб борилмоқда.
