Бокс бўйича Ўзбекистон аёллар терма жамоаси аъзоси Навбаҳор Ҳамидова (-66 кг) Париж-2024 ёзги Олимпия ўйинлари учун лицензияни қўлга киритди. Бу ҳақда Олимпия қўмитаси Матбуот хизмати хабар қилди.
Қайд этилишича, бу билан Ўзбекистон делегациясининг Париж-2024 ёзги Олимпия ўйинлари учун жамғараётган йўлланмалари сони роппа-роса 50 тага етди.
Боксчи қизлар илк бор Олимпия ўйинларига 4 та йўлланмага эга бўлишди.
50 та йўлланма 17 та спорт тури кесимига тўғри келади. Лицензион цикл давом этмоқда.
