Тошкентнинг Сергели туманида содир бўлган портлаш жойига Тошкент шаҳри ҳокими Шавкат Умрзоқов, бош вазир Абдулла Арипов ва бошқа масъуллар етиб борган.
“Моддий зарар қоплаб берилади. Биз бу масалани 2-3 кун ичида ҳал қиламиз”, — деди Шавкат Умрзоқов.
Ижтимоий тармоқларда тарқалган видео ва расмларда портлаш тўлқини турар-жой, ташкилотлар, мактаблар ва болалар боғчалари биноларига турли даражадаги зарар етказганини кўриш мумкин.
“Сергели туманида рўй берган ҳодиса юзасидан саволларингиз ёки мурожаатингиз бўлса, 71 210-01-63 рақами орқали Тошкент шаҳар ҳокимлиги матбуот хизматига мурожаат қилишингизни сўраймиз”, — дейилади ҳокимлик хабарида.
