Бугун, 11 август куни соат 14:36 атрофида Бектемир тумани "Олтинтопган" ва "Бектемиршох" кўчалари чорраҳасида юк кўтаришга мўлжалланган автокранда ёнғин юзага келган. Бу ҳақда ФВВ Матбуот хизмати расмий изоҳ берди.
Хабарга кўра, 2 та ёнғин-қутқарув экипажи соат 14:46 да воқеа жойига етиб борган. Сўнгра ёнғин соат 14:50 да ўчирилган.
Мазкур ёнғин натижасида автокраннинг салон ва мотор қисми ёниб зарарланган.
Ҳодиса оқибатида тан жароҳати олган ва ҳалок бўлганлар йўқ,- дейилади хабарда.
