Аввалроқ, ижтимоий тармоқда Тошкентнинг Миробод туманидаги хонадонда ёнғин содир бўлгани ҳақида хабарлар тарқалди. Тошкент шаҳар ФВБ ҳолат юзасидан маълумот берди.
Маълум қилинишича, 2023 йилнинг 19 июль куни соат 23:52 да Миробод тумани “Заминобод” МФЙ ҳудудида жойлашган хонадонларнинг бирида ёнғин бўлаётганлиги бўйича Тошкент шаҳар Фавқулодда вазиятлар бошқармасига хабар келиб тушган.
Шунга кўра, 4 та ёнғин-қутқарув техникалари зудлик билан этиб бориб, ёнғин бартараф этилган. Ёнғин натижасида 100-150 кв.м уйнинг том ва ички қисми ёниб зарарланган.
Ёнғин натижасида жабрланган ёки ҳалок бўлган фуқаролар йўқ.
