Тошкент кўчаларида маймун сайр қилиб юргани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар Экология бошқармаси Ахборот хизмати изоҳ берди.
Тошкент шаҳар Шайхонтоҳур туман инспекцияси, ИИБ Экопатрул хизмати ходимлари билан биргаликда тезкор ўрганиш ишлари олиб борилди.
Аниқланишича, цирк ходимлари томонидан маймун сайр қилдириб юрилган вақтда фуқаролар томонидан видеога олиниб ижтимоий тармоқларга тарқатилганлиги маълум бўлди.
"Ҳозирги вақтда маймун цирк ходимлари томонидан қафасга киритилган. Назорат остида. Фуқаролардан мазкур ҳолат юзасидан, хавотирга тушмасликларини сўраб қоламиз", - дейилади хабарда.
