Ўзбекистон президентининг фармони билан Бахтиёр Одилович Саидов Ўзбекистон ташқи ишлар вазири лавозимига тасдиқланди. Бу ҳақда Ўзбекистон президентининг матбуот котиби Шерзод Асадов хабар берди.
Эслатиб ўтамиз, 2022 йил декабрь ойининг охирида президентнинг тегишли фармонлари билан Владимир Имамович Норов Ўзбекистон ташқи ишлар вазири лавозимидан озод этилиб, унинг ўрнига халқ таълими вазири лавозимида ишлаган Бахтиёр Одилович Саидов ташқи ишлар вазири вазифасини бажарувчи этиб тайинланганди.
