Жорий йилнинг 11 декабрь куни соат 10:20 атрофида Қарши шаҳри, Пахтазор маҳалласида яшовчи вояга етмаган И.И яшаш хонадонида газ плитасидан чиққан ис газидан заҳарланиб вафот этган. Бу ҳақда UzNews.uz'га Бош прокуратура матбуот хизмати раҳбари Ҳаёт Шамсутдинов хабар берди.
Аниқланишича, ушбу хонадонда бўлган яна икки нафар вояга етмаган, 2013 йилда туғилган О.И. ва 2011 йилда туғилган Б.И. заҳарланиш аломатлари билан туман шифохонасига ётқизилган.
Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
