Навоий вилояти прокуратураси Ахборот хизматининг хабарига кўра, Конимех туманидаги 2-сонли умумий ўрта таълим мактаби директори М.Э. жорий йилнинг 7 сентябрь куни соат 15:00 ларда яшаш ҳовлисидаги олма дарахтига арқон ёрдамида ўзини осиб ўз жонига суиқасд қилган вақтда акаси Р.Ф. ушбу ҳолатни кўриб қолган.
Сўнгра, туман тиббиёт бирлашмаси жонлантириш бўлимига олиб келган. Ҳозирда беморнинг аҳволи қониқарли.
Конимех туман прокуратураси томонидан ҳодиса жойи кўздан кечирилиб, судга оид тиббиёт экспертизаси тайинланган.
Ҳозирда мазкур ҳолат юзасидан туман прокуратураси томонидан терговга қадар текшириш ҳаракатлари олиб борилмоқда.
