Кеча Тошкент вилояти Нурафшон шаҳридаги Обод турмуш маҳалласида фуқаронинг хонадонида газ-ҳаво аралашмаси чақнаши содир бўлганди. Ҳодиса оқибатида бир киши вафот этганди.
“Hududgazta’minot” АЖ Матбуот хизмати хабарига кўра, олиб борилган ўрганишлар жараёнида, маиший эҳтиёж учун табиий газни ўғирлаш натижасида хонада табиий газ тўпланиши содир бўлганлиги аниқланди.
Хонадон эгаси ҳисоблагични олиб ташлаб, газ қувурларини канализация сифони орқали улаб қўйиши табиий газ сизиб чиқишига сабаб бўлган.
