2 май куни сурхондарёлик Хандалов Гулмурод Қаюмова Сарвиноз ва унинг ёш болаларини уриб, уйдан ҳайдамоқчи бўлгани ҳақида хабар берилганди.
Сурхондарё вилояти ИИБ Ахборот хизмати хабарига кўра, Хандалов Гулмуроднинг уй-жой масаласида Қаюмова Сарвинозга нисбатан содир этган ҳуқуқбузарлиги Денов туман суди томонидан кўриб чиқилган.
Унга нисбатан Денов туман судининг 7 майдаги қарори билан МЖтКнинг қатор моддалари билан айбли деб топилиб, БҲМнинг 50 баравари (12,2 млн сўм) миқдорида жарима жазоси тайинланди.
Томонларнинг уй-жой масаласидаги низоси фуқаролик тартибида ҳал қилиниши тушунтирилди.
