Тошкент шаҳар божхона бошқармаси ДХХ билан ҳамкорликда пойтахтнинг Чилонзор туманида наркотик моддани олиб юрган ҳайдовчини ушлади.
Тезкор тадбирда олдиндан кузатувда бўлган фуқаронинг Nexia-2 автомобили белгиланган тартибда кўздан кечирилди.
Автомобилнинг орқа юкхонасида полиэтилен пакетга ўралган гўшт ичига яширилган жигаррангдаги ўткир ҳидли мумсимон модда топилди.
Экспертизага кўра, ушбу модда 108 грамм оғирликдаги “опий” бўлиб чиқли. Ҳолат бўйича терговга қадар текширув ўтказилмоқда.
