7 июль куни Наманган вилояти Давлатобод тумани Юксалиш маҳалласидаги Кушон саъноат ҳудудидан 4 та бутун ва 2 та яримта емирилган авиация бомбалари топилди. Бу ҳақда Наманган вилояти ИИБ Ахборот хизмати хабар берди.
Қайд этилишича, ушбу бомбалар артиллерия снаряди коррозиясига учраб, емирилган. Бомбалар Поп тумани Ғуримсарой 07648-ҳарбий қисмининг махсус ўқ отиш полигонига олиб борилиб, йўқ қилиш ишлари олиб борилмоқда.
Ҳудудга масъул ташкилотларнинг махсус отрядлари жалб этилган.
