Фарғона вилояти ҳокими Хайрулло Бозоров 27 июндан бери Тошкент шаҳрида чуқурлаштирилган тиббий даволанишда бўлиб турибди. Бу ҳақда Фарғона вилояти ҳокимлиги матбуот хизмати раҳбари Дилмурод Жумабоев маълум қилди.
Қайд этилишича, ҳоким секвестрланган бел умуртқа чурраси диагнози билан бел соҳасида кичик жарроҳлик амалиёти ўтказган.
“Хайрулло Бозоров ҳозирда стационар шароитда реабилитация жараёнини ўтказмоқда, ишларни масофадан онлайн тарзда мувофиқлаштириб бормоқда. Яқин кунларда вилоят ҳокими одатий иш фаолиятига қайтишини маълум қиламиз. Ижтимоий тармоқларда вилоят ҳокими билан боғлиқ тарқалаётган миш-мишларга ишонмаслигингизни сўраймиз”, - дейилади хабарда.
