ФВВ Матбуот хизматининг хабарига кўра, бугун, 8 август куни соат 16:37 да Жиззах вилояти ФВБга Зомин миллий табиат боғи ҳудудида ёнғин содир бўлаётганлиги тўғрисида хабар келиб тушган.
Хабар асосида зудлик билан ФВБнинг 55 нафар ёнғин-қутқарувчилари воқеа жойига етиб боришган ва соат тахминан 18:20 да ёнғин тўлиқ бартараф этилган.
Ёнғин натижасида 10 сотих майдон ёниб зарарланган. Мазкур ҳодиса оқибатида жабрланган ва ҳалок бўлганлар йўқ.
Аввалоқ, Зоминдаги тоғда катта ёнғин чиққани ҳақида хабар қилган эдик.
