Шавкат Мирзиёев журналист Бобомурод Абдуллаевга “Green Park” турар жой мажмуасидан уч хонали хонадон совға қилган. Бу ҳақда журналистнинг ўзи Facebook’даги саҳифасида маълум қилди.
Унинг маълум қилишича, хонадон барча нарсалар, хусусан маиший техника билан жиҳозланган. Янги хонадонга 5 октябрь куни кўчиб ўтган. Кеча Хоразмдан онаси келгани ва президент ҳадя қилган янги уйни ўз кўзлари билан кўрганини қўшимча қилган.
Журналист бунинг учун президент Шавкат Мирзиёевга миннатдорлик билдирган.
Эслатиб ўтамиз, 22 август куни Қирғизистондан Ўзбекистонга экстрадиция қилинган журналист Бобомурод Абдуллаев муносиб хулқ-атвор қоидаларига риоя қилиши тўғрисидаги тилхатга асосан озод қилинганди.
