Россия ҳаво транспорти федерал агентлиги (“Росавиация”) Россиянинг 3 та авиакомпаниясига Ўзбекистонга учиш учун рухсат берди, дейилади ташкилотнинг расмий сайтида.
Хусусан, компаниялар қуйидаги рейсларни амалга оширишлари мумкин:
• Наманган – Андижон (“ИрАэро” – ҳафтада 3 марта);
• Москва – Андижон («ИрАэро» – ҳафтада 5 марта);
• Красноярск – Наманган (“Шимолий Шамол” – ҳафтада 3 марта);
• Уфа – Наманган (“Шимолий Шамол” – ҳафтада 3 марта);
• Уфа – Фарғона (“Шимолий Шамол” – ҳафтада 3 марта);
• Краснодар – Фарғона (“Шимолий Шамол” – ҳафтада 3 марта);
• Ростов – Фарғона (“Шимолий Шамол” – ҳафтада 3 марта);
• Екатеринбург – Наманган (“Ред Вингс” – ҳафтада 2 марта);
• Екатеринбург – Фарғона (“Ред Вингс” – ҳафтада 2 марта);
• Екатеринбург – Самарқанд (“Ред Вингс” – ҳафтада 3 марта);
“Рухсат бериш тўғрисидаги қарор халқаро йўналишлар бўйича қатновларнинг тикланишига асос бўла олмайди. Рухсатнома – авиакомпанияларнинг қатновларни қайта тиклаётганида фойдаланиш ҳуқуқини беради”, дея таъкидланади “Росавиация” хабарида.
Аввалроқ, “Росавиация” "Победа" лоукостерига Ўзбекистоннинг турли шаҳарларига мунтазам рейсларни амалга оширишига рухсат берганди.
