Маълум қилинишича, Қашқадарё вилояти Қарши шаҳар электр тармоқлари корхонаси ходими Б.А. “С” фермер хўжалиги раҳбари Ў.Т. билан олдиндан тил бириктириб, фермер хўжалигининг омборхонасидаги 2 дона қўлбола ёғ ишлаб чиқариш ускунасини электр тармоғига ноқонуний улаган.
Оқибатида 1 млрд 50 млн сўмлик электр энергиясини ўғирлик йўли билан талон-торож қилгани аниқланган. Бу ҳақда Бош прокуратура Матбуот хизмати хабар қилди.
Мазкур ҳолат юзасидан Б.А. ва бошқаларга нисбатан ЖКининг 169-моддаси 4-қисми “а” банди билан жиноят иши қўзғатилиб, процессуал тартибда ушланган.
