Японияда 80-90 фоиз эҳтимол билан 8-9 магнитудали "мегазилзила" содир бўлиши кутилмоқда, дея хабар берди Reuters. У мамлакатнинг жануби-ғарбий қирғоғида жойлашган Нанкайда содир бўлиши мумкин. Зилзиладан сўнг қирғоққа баландлиги 30 метрдан ортиқ бўлган цунами ёпирилиши тахмин қилинмоқда.
Энг ёмон сценарийда фалокат оқибатида 300 минггача одам ҳалок бўлиши мумкин, бир миллиондан ортиқ японларни эвакуация қилиш керак бўлади, дейди экспертлар. Зилзиладан Япония иқтисодиётига етказилиши мумкин бўлган зарар деярли 2 трлн долларга баҳоланмоқда.
