Хитойнинг Ханчжоу шаҳри мезбонлик қилган IV Пара Осиё ўйинлари ўз якунига етди. Бугун 17:45 да миллий терма жамоа аъзолари ўтирган самолёт пойтахт аэропортига келиб қўнди. Параосиё ўйинлари иштирокчилари Тошкент аэропортида тантанали равишда кутиб олинди.
6 кун давом этган шиддатли беллашувларда Ўзбекистон делегацияси 25 та олтин, 24 та кумуш ва 30 та бронза, жами 79 та медаль билан умумжамоа ҳисобида саккизинчи ўринни қўлга киритди.
Қайд этилишича, бу Ўзбекистон делегацияси учун Пара Осиё ўйинларида қўлга киритилган медаллар сони бўйича энг яхши кўрсаткич бўлди.
