Италия пойтахтида старт олган таэквондо WТ бўйича Гран-при мусобақасининг биринчи кунида -68 кг вазн тоифасида баҳс олиб борган Улуғбек Рашитов олтин медални қўлга киритди. Бу ҳақда Олимпия қўмитаси Матбуот хизмати хабар берди.
Ўзбекистонлик спортчи финалда венгриялик Левенте Жозсани 2:0 ҳисобида мағлубиятга учратди. Шу тариқа, 8 йиллик танаффусдан сўнг, ўзбекистонлик таэквондочилар Гран-при мусобақасида яна олтин медалга сазовор бўлмоқда.
