Бугун, 5 июнь куни Марказий сайлов комиссиясининг навбатдаги мажлиси ўтказилди. Унда президентликка номзодларнинг сайловолди ташвиқоти 2023 йил 7 июндан бошланиши қайд этилиб, қарор қабул қилинди.
Қолаверса, Ўзбекистон президентлигига кўрсатилган номзодлар рўйхатга олинди.
Мажлисда:
— Халқ демократик партиясидан Улуғбек Иноятовни;
— Тадбиркорлар ва ишбилармонлар ҳаракати – Ўзбекистон либерал-демократик партиясидан Шавкат Мирзиёевни;
— Ўзбекистон "Адолат" социал-демократик партиясидан Робахон Маҳмудовани;
— Ўзбекистон Экологик партиясидан Абдушукур Ҳамзаевни, Ўзбекистон президентлигига номзод этиб, рўйхатга олиш тўғрисидаги қарор қабул қилинди.
