Бугун, 18 апрель куни АОКАда ўтказилаётган матбуот анжуманида ИИВ ЖХД ЙҲХХ бошлиғи ўринбосари, полковник Эрали Бозоров ЙПХ ходимининг хизмат вақтида олинган видеосини унинг рухсатисиз ижтимоий тармоқда тарқатиш бўйича қарор лойиҳаси ҳали охирига етказилмаганини маълум қилди.
“Бу — бир лойиҳа ва у ҳозирча охирга етказилмаган. Бу бўйича ишчи гуруҳ ишлаяпти. Мазкур масала юзасидан ривожланган хориж давлатларининг тажрибаси тадқиқ этилиб, кейин Вазирлар Маҳкамасига киритилади. Айни вақтда бу лойиҳа ўрганиш жараёнида”, - деди Эрали Бозоров.
Эслатиб ўтамиз, аввалроқ, ИИВ вазири ўринбосари, жамоат хавфсизлиги департаменти бошлиғи полковник Абдуллаев Бекмурод Тожимирзаевич ИИО ходимларини тасвирга олиб, рухсатсиз ижтимоий тармоқларга жойлаган шахслар жавобгарликка тортилиши ҳақида гапирганди.
