Поезд Чимкент вокзалига Сариағочда кичик танаффус қилгандан сўнг етиб келди. Шаҳар аҳолиси поездни тантанали равишда кутиб олишди ва йўловчиларга оқ йўл тилашди.
UzNews муҳбирига берилган хабарга кўра, “Самарқанд – Тошкент - Остона” йўналишидаги поезд чиптасининг тахминий нархи оддий купе учун 450.000 сўм, люкс купе учун 650.000 сўмни ташкил қилади.
Тошкентдан Остонага бўлган чиптанинг нархи эса оддий купе учун 370.000 сўм, люкс купе учун 550.000 сўмни ташкил қилади, деб хабар қилди шаҳар темир йўл вокзали маълумотхонаси.
Эслатиб ўтамиз, поезд 2 июндан 25 августгача юради. Самарқанддан поезд ҳар жума соат 03:46 да, Тошкентдан эса соат 08:20 да йўлга чиқади.
Остонадан рейс Қозоғистон вақти билан соат 19:16 да амалга оширилади.
(Фото: otyrar.kz)
