Ҳодиса 16 ноябрь куни тахминан соат 14:50да Бухоро вилоятининг Когон шаҳридаги «Дўстлик» маҳалласида содир бўлган. Бу ҳақда ФВВ хабар бермоқда.
Маълум бўлишича, 5-6 метр чуқурликда оқава сув қувурларини ётқизиш вақтида, чуқурнинг бир томони ўпирилиб кетган ва икки нафар ишчини тупроқ босиб қолган.
Вилоят ФВБнинг қутқарувчилари томонидан воқеа жойида олиб борилган тезкор қидирув ишлари натижасида, икки нафар фуқаронинг жасади тупроқ остидан олиб чиқилган.
Мазкур ҳодиса юзасидан дастлабки тергов олди суриштирув ишлари олиб борилмоқда.
