EF EPI инглиз тилини билиш даражаси бўйича 112 мамлакат ва минтақалар рейтингини эълон қилди. Рейтинг мамлакатлар аҳолисининг инглиз тилини билиш даражасини қуйидаги беш бўлимга ажратилган ҳолда тузилган.
— Энг юқори;
— Юқори;
— Яхши;
— Ўртача;
— Жуда паст.
Ўзбекистон рейтингда 88-ўринни эгаллаган. Мамлакат аҳолисининг инглиз тилини билиш даражаси жуда паст, дея баҳоланган.
Шунингдек, Ўзбекистонга қўшни давлатлар — Афғонистон (87-ўрин), Қозоғистон (96-ўрин), Қирғизистон (101-ўрин) ва Тожикистон (103- ўрин) давлатлари аҳолиси ҳам инглиз тилини жуда паст даражада билади, деб топилган.
Қайд этилишича, инглиз тилини энг юқори билувчи давлатларга 12 мамлакат номи киритилган. Унинг юқори ўринларини Нидерландия (1-ўрин), Австрия (2-ўрин) ва Дания (3-ўрин) давлатлари эгаллаган.
