Сурхондарё вилояти ИИБ Ахборот хизмати хабарига кўра, 17 июнь куни соат 08:00 ларда Б. Эъзоза вояга етмаган қизи О. Маржона ҳамда қариндоши А. Дилноза билан бирга Шўрчи тумани Наврўз маҳалласидан ўтган автомобиль йўли четки қисмида 29 ёшли, иккита фарзанди бор С. Албинани учратади.
У А. Дилноза билан С. Албинани қасддан уриб, дўппослаб, ўзи билан олиб келган қайчи билан С. Албинанинг сочларини кесиб, унга тан жароҳати етказишган.
Натижада С. Албина енгил тан жароҳати олган.
Ҳолат бўйича Б. Эъзоза ва А. Дилнозаларга нисбатан 3 июль куни Жиноят кодексининг 277-моддаси 2-қисми “б” банди ва 277-моддаси 3-қисми “а” банди билан жиноят иши қўзғатилган. Ҳозирда тергов ҳаракатлари олиб борилмоқда.
